Patay ang isang basurero na si Juancho Diego sa harap ng NFA Visayas Avenue, Quezon City matapos tadtarin ng saksak sa iba’t-ibang parte ng katawan dahil sa selos ng suspek sa kainuman nitong babae. Ayon sa ilang saksi, habang nag-iinuman ang tatlo umalis ang suspek na Cristo Orano panandali sa inuman at nang ito ay bumalik inundayan agad ng saksak ang biktima sa iba’t-ibang parte ng katawan. Masuwerte namang nakatakbo ang babaeng pinagselosan at nadakip agad ang suspek ng mga tanod na nagkataong rumoronda sa lugar. (Val Leonardo/BENJAMIN CUARESMA/ai/mtvn)
