‘DI PA TAPOS ANG LABAN SA PAGKA-ALKALDE NG MAYNILA: Atty. Alex Lopez naghain ng protesta sa Comelec vs ‘malawakang dayaan’

‘DI PA TAPOS ANG LABAN SA PAGKA-ALKALDE NG MAYNILA: Atty. Alex Lopez naghain ng protesta sa Comelec vs ‘malawakang dayaan’

Si Atty. Alex Lopez kapanayam ang mga taga-media sa harap ng Plaza del Gobernador

Ni Benjamin Cuaresma

MANILA — Naghain ng protesta sa Commission on Election ( COMELEC) si Atty. Alex Lopez, tumakbong alklade ng Maynila, matapos ang masusing pagsusuri sa mga ebidensyang binigay ng mga volunteers at mga salaysay ng mga saksi sa malawakang dayaang naganap noong nakaraang May 9, 2022 election.

Sa loob ng isang linggo pagkatapos ng ‘pasasalamat motorcade’ ng Team Pagbabago, bumaha ng mga pahayag buhat sa mga taga-suporta ni Atty. Alex.

Umarangkada ang iba’t-ibang sektor mula sa anim na distrito ng Maynila upang mangalap ng ebidensya at salaysay tungkol sa bilihan ng boto, pangbabanta, at hindi awtorisadong paggamit ng mga ari-arian ng gobyerno para sa pangangampanya.

Dahil sa kalidad at bigat ng ebidensya, pagkatapos makipagpulong sa kanyang mga abogado, napagpasyahan ni Atty. Lopez na ihain ang protesta at noong araw ng Biyernes, ika-20 ng Mayo 2022, nagsumite ito ng protesta sa pamamagitan ng E-filling sa Comelec at nitong Lunes (Mayo 23) personal na isinumite ni Atty. Lopez ang kanya petisyon laban sa grupo ng Asenso Manilenyo.

Noong nakaraan linggo din, maraming naglabasang balita na sumisira sa magandang reputasyon ni Atty. Alex. Malamang ito ang isang dahilan na maituturing na hindi pa tapos ang laban sa pagka-alkalde ng Maynila. Hanggang ngayon, kuwestionable pa din ang pagkakapanalo ng kabilang kampo lalo na ng lumabas ang resulta na mula Distrito 1 hanggang Distro 6 nakupong lahat ng Asenso ang buong posisyon na 9-0.

Ilan sa mga sektor na pumuna sa “pagkakapanalo” ng kabilang kampo ang samahan ng mga kabataan, senior citizen, drivers at riders, vendors, at iba pang grupo na kumakatawan sa maralitang Manileño.

Ramdam pa din ng Manileño na si Atty. Alex ang tunay na nagwagi noong nakaraang halalan.

Solido ang paniniwala ng mga botante na nagkaroon ng malawakang dayaan kaya naman hanggang ngayon, lumalaban pa din sila para kay Atty. Alex.

Nakiisa na din ang mga taga-suporta ng ibang partido sa layunin ni Atty. Lopez na maipakita ang katotohanan para sa Lungsod ng Maynila. (ai/mtvn)

Leave a Reply