Revilla isinulong na maibaba sa 56 ang edad ng senior citizen

Revilla isinulong na maibaba sa 56 ang edad ng senior citizen

By Liza Soriano

Universal Life Church photo courtesy

MANILA — Isinusulong ni Sen. Ramon “Bong” Revilla ang panukalang batas na naglalayong ibaba sa 56 mula sa kasalukuyang 60 ang edad ng senior citizen.

Inihain ni Revilla ang Senate Bill No. 1573 na naglalayong amyendahan ang Republic Act No. 7432 o ang Senior Citizens Act.

“Sa panahon ngayon, lalo na at nagkapandemya, madami ang hindi pinalad umabot sa edad na sisenta. Sabi nga e, aanhin pa ang damo kung wala na ang kabayo. Kaya habang may oras pa e bigyang halaga na natin sila sa pamamagitan ng pagpapaabot ng benepisyo,” sabi ni Revilla.

Sakaling maisabatas, maisasama na ang edad 56 hanggang 59 sa mga benepisyong ibinibigay sa mga senior citizen.

(ai/mtvn)

Leave a Reply