CESAR CHAVEZ ITINALAGA BILANG PRESIDENTIAL ASSISTANT FOR STRATEGIC COMMUNICATIONS

Ni Liezelle Soriano

MANILA — Hinirang ni Pangulong Ferdinand “Bongbong” Marcos Jr. si Transportation Undersecretary Cesar Chavez bilang Presidential Assistant for Strategic Communications, na may ranggong undersecretary.

Inanunsiyo ito ng Palasyo nitong Miyerkoles (05 Dec 2023).

Nilagdaan ni Marcos ang appointment papers ni Chavez noong Martes, ayon sa Presidential Communications Office (PCO).

Si Chavez, dating news anchor at station manager ng DZRH, at chief of staff ni dating Manila Mayor Isko Moreno, ay kabilang sa mga naunang kinonsidera ni Pangulong Marcos Jr bilang hepe ng PCO.

Samantala, itinalaga rin ni Marcos sina Mary Jean Pacheco at Michael Kristian Ablan bilang Undersecretary at Assistant Secretary ng Department of Trade and Industry, ayon sa pagkakasunod, at Jeremy Regino bilang Undersecretary of Transportation.

(ai/mnm)