NABUKING ang Metro Manila Development Authority sa sobrang mahal na pagbili nito ng body-worn cameras nang komprontahin ng isang senador ang grupo ng hepe nitong si Don Artes sa mali umanong pag-uulat sa mga nahuling lumabag sa paggamit ng bus lane sa Edsa.

Hindi pa natukoy kung ilang milyong-pIso ang nagastos sa pinaniwalaang overpriced procurement body-bodycam na mabibili lang sa halagang P20,000 sa lehitimong supplier.

Sa pagharap nina Chairman Artes at traffic enforcers nito kay Sen. Ramon ‘Bong’ Revilla ay tinanong ng senador kung may bodycam silang ginamit sa pagtupad ng kanilang trabaho.

Ang naging tugon sa tanong ng senador ang nagbunyag na ang regular na presyo ng body-worn cameras na nagkakahalaga lamang ng hindi hihigit sa P20,000 ay binili ng MMDA sa halagang P60,000 bawat isa.

Sa pagkabunyag ng pinaniwalaang overpriced procurement na bodycam ay agaran namang nanawagan ang ilang mambabatas na imbestigahan at kastiguhin ang mga opisyales ng MMDA na mapatunayang nasa likod ng posibleng procurement anomaly.

Kasama nang pinaimbestigahan sa Kamara ang iba pang umano’y mga maanomalyang procurement ng iba’t-ibang kagamitan ‘tulad ng mga trak na panghakot ng basura.

Kasama na ring ipinabusisi ang umabo’y mga projects sa naturang ahensiya na umabot sa higit bilyong-pisong halaga na kwestiyunable umano ang proseso at ilan pa sa winning bidders ay pinagdudahang pag-aari ng, o kasosyo ang, mismong matataas na opisyal ng MMDA at Commission on Audit.

Sa komprontasyon nina Sen. Revilla at grupo ni Chairman Artes ay sinahi ng mambabatas na napakalaki ng pondong inilaan ng MMDA sa pagbili ng body cam na magsisilbing ‘mata’ sa mga operasyon ng ahensiya.

“Hindi ba mayroon kayong body cam, tapos ang laki ng pondo ng MMDA sa body cam, P60,000 per camera, pero you believe sa mga hearsay tapos babanggitin nyo sa media, para mag-name drop ng senador na hindi kayo sigurado at based on hearsay lang,” pagsita ng senador sa grupo ni Charman Artes

Nauna nang inihayag ni Revilla na ipatatawag niya ang MMDA at nagbantang ipare-recall pa ang budget nito makaraang pagbintangan siya na nahuling dumaan sa Edsa bus lane. (END)

Ni Liezelle Soriano

MANILA — Sinabi ni Speaker Martin Romualdez nitong Miyerkoles na ang pagbisita ni Japanese Prime Minister Fumio Kishida sa Pilipinas ay lilikha ng mga bagong oportunidad para sa pag-unlad sa pagitan ng Manila at Tokyo.

Ayon kay Romualdez, ang pagbisita ni Kishida ay tiyak na magpapatibay sa relasyon ng Pilipinas at Japan.

Magkakaroon ng special session ang Senado at Kamara sa Nobyembre 4 para sa pagbisita ni Kishida sa bansa.

“This visit, symbolizing the deep and longstanding bond our nations have forged, built on mutual respect, shared values, and a unified vision for peace, stability, and prosperity in the Asia-Pacific region, signifies the strength of our bilateral ties,” wika ng pinuno ng Kamara.

“We are optimistic that through our discussions, new pathways for collaboration and development will emerge, promising enhanced opportunities and a brighter future for all Filipinos, here and in Japan,” dagdag pa niya.

Dahil ang espesyal na joint session ay magaganap sa punong-tanggapan ng Kapulungan ng mga Kinatawan, nangako si Romualdez na titiyakin na magiging kapaki-pakinabang ang pagbisita ng Punong Ministro.

“The House of Representatives, as the honored venue host of this significant event in the Batasang Pambansa Complex, is committed to exerting all efforts to ensure that Prime Minister Kishida’s visit is both fruitful and memorable,” ani Romualdez.

(ai/mnm)

Ni Liza Soriano

MANILA — Nakatakdang magdaos ng Special Session ang Senado at Kamara sa Nobyembre 4 para kay Japanese Prime Minister Fumio Kishida, ayon kay Senate President Juan Miguel Zubiri.

Si Kishida ay nasa bansa simula Nobyembre 3 sa hangaring palakasin ang kooperasyon sa pagitan ng dalawang bansa.

“We look forward to the address of a leader of a nation that is a robust trading partner, a strong security ally, a lending hand during calamities, and an investor in Philippine progress,“ ani Zubiri.

Paliwanag ni Zubiri, magkahiwalay munang magpupulong ang Senado at Kamara sa alas-9 ng umaga sa Nobyembre 4 para magpasa ng mga resolusyon sa pag-imbita kay Kishida sa Kongreso at sa pagsasagawa ng joint session.

Sinabi ni Zubiri na nakatakdang humarap si Kishida sa Kongreso alas-11 ng umaga ng Sabado (November 4, 2023) sa Batasang Pambansa Complex sa Quezon City.

(ai/mnm)

Ni Liezelle Soriano

TULUYAN nang inalis ng House of Representatives ang P1.23 bilyong halaga ng confidential funds ng limang ahensiya, kabilang na ang Office of the Vice President (OVP) at Department of Education (DepEd), sa ilalim ng panukalang P5.768-trillion budget para sa 2024.

Sinabi ni House Committee on Appropriations senior vice chairperson Stella Quimbo na nangyari ito matapos sumang-ayon ang House small panel na i-reallocate ang P194 bilyon mula sa panukalang 2024 national budget para sa 2024 — kasama ang P1.23 bilyon na confidential funds.

“Our panel introduced P194 billion worth of institutional amendments. The main goal was to rationalize the allocation of resources to fight inflation, invest in human capital and in our country’s future,” ani Quimbo.

“We believe that the House of Representatives is on the right side of history,” dagdag pa niya.

Bukod sa OVP at DepEd, ang iba pang ahensiya na nawalan ng confidential fund allocation sa ilalim ng panukalang amendments ng Kamara ay ang Department of Agriculture, Department of Information and Communications Technology, at Department of Foreign Affairs.

Ililipat naman ang P1.23 bilyon sa mga sumusunod:

  • P300-M sa National Intelligence Coordinating Agency
  • P100-M sa National Security Council
  • P200-M sa Philippine Coast Guard para sa intelligence activities
  • P381.8-M Department of Transportation para sa airport development

Si Vice President Sara Duterte-Carpio ang kalihim ng DepEd.

Sa isang pagtitipon sa Butuan City, magugunitang sinikap depensahan ni Duterte-Carpio ang importansiya ng confidential funds.

“I stand before you to shed light on the crucial role of confidential funds in ensuring the security and development of our beloved nation. In the pursuit of progress, it is imperative that we prioritize the well-being of our citizens and safeguard the peace and order that underpins our society,” aniya noong 122nd Police Service Anniversary ng Police Regional Office 13 sa Butuan City.

Wala pang komento ang Vice Presidente tungkol sa pinakahuling kaganapan sa confidential funds.

(ai/mnm)